Rusiya Ukrayna ilə sülh danışıqlarını İstanbul razılaşmaları əsasında, Ankoricdə müzakirə edilmiş formatlar və mövcud vəziyyət nəzərə alınmaqla aparmağa hazırdır.
"Unikal" xəbər verir ki, bunu Rusiya Prezidenti Vladimir Putin hökumət üzvləri ilə keçirdiyi müşavirədə bildirib.
“Rusiya, artıq dəfələrlə deyildiyi kimi, Ukrayna ilə sülh danışıqlarına hazırdır. Biz hələ İstanbulda əldə olunmuş və o vaxt Ukrayna nümayəndə heyəti tərəfindən paraflanmış razılaşmalar əsasında danışıqlar aparmağa hazırıq. Həmin razılaşmalar onları qane edirdi”, – deyə Rusiya lideri bildirib. O vurğulayıb ki, Moskva əvvəllər əldə edilmiş razılaşmalardan geri çəkilmək üçün heç bir əsas görmür.
Putinin sözlərinə görə, danışıqlar prosesi təkcə İstanbul razılaşmalarını deyil, həm də “Ankoricdə müzakirə olunmuş formatları”, eləcə də onun hələ 2024-cü ilin iyununda səsləndirdiyi prinsipləri nəzərə almalıdır.
